Salomon Rondón er kominn til Kína en enska knattspyrnufélagið West Bromwich Albion hefur samþykkt tilboð Dalian Yifang í leikmanninn en það er Sky Sports sem greinir frá þessu. Rafael Benítez, fyrrverandi stjóri Newcastle, tók við liði Dalian Yifang á dögunum og lagði mikla áherslu á að fá Rondon til Kína.
Rondón er 29 ára gamall en hann skoraði ellefu mörk í ensku úrvalsdeildinni á síðustu leiktíð í 32 leikjum, ásamt því að leggja upp sjö mörk fyrir liðsfélaga sína. Rondon var á láni hjá Newcastle frá WBA en kaupverðið á Rondon er í kringum 17 milljónir punda.