Tammy Abraham, framherji Chelsea, sem hefur byrjað hefur tímabilið vel með Lundúnaliðinu vill að leikmenn Chelsea taki reiðina út þegar þeir mæta Liverpool í ensku úrvalsdeildinni í knattspyrnu á Stamford Bridge á sunnudaginn.
Chelsea tapaði fyrir Valencia 1:0 í fyrsta leik sínum í riðlakeppni Meistaradeildarinnar í gærkvöld þar sem Ross Barkley brást bogalistin af vítapunktinum seint í leiknum.
„Leikurinn á sunnudaginn er prófraun á karakterinn í okkar liði og við getum tekið reiðina út á móti Liverpool. Þetta verður risaleikur þar sem bæði lið vilja vinna,“ segir Abraham í viðtali við Sky Sports.
Abraham skoraði þrennu í 5:2 sigri Chelsea gegn Wolves um síðustu helgi og er markahæstur í deildinni ásamt Sergio Agüero úr Manchester City en báðir hafa þeir skorað 7 mörk í deildinni.