Manchester United verður án Paul Pogba og David de Gea er liðið mætir Liverpool í stórleik í ensku úrvalsdeildinni í fótbolta næstkomandi sunnudag vegna meiðsla. Þá verður Jesse Lingard einnig frá vegna meiðsla.
Pogba var ekki með franska landsliðinu sem mætti Íslandi og Tyrklandi í undankeppni EM og de Gea þurfti að fara af velli er Spánn mætti Svíþjóð í gær.
Sergio Romero verður í markinu í fyrsta skipti í ensku deildinni á leiktíðinni. Hann hefur leikið í Evrópudeildinni og í deildabikarnum til þessa.
Pogba hefur misst af fimm af síðustu sjö leikjum United vegna meiðsla í ökkla og fór hann til Dubai í endurhæfingu í landsleikjahléinu. Hann verður hins vegar ekki klár í slaginn.