Fyrsta markið í eitt og hálft ár

Markið sem Adam Lallana skoraði fyrir Liverpool þegar hann tryggði sínum mönnum jafntefli gegn Manchester United á Old Trafford í dag var hans fyrsta í 29 leikjum.

Lallana hafði ekki skorað fyrir Liverpool síðan hann skoraði á móti Middlesbrough í maí 2017. Hann kom inn á sem varamaður á Old Trafford á 71. mínútu og jafnaði metin af stuttu færi á 85. mínútu.

Frá því í byrjun síðustu leiktíðar hefur Liverpool skorað 28 mörk á síðasta stundarfjórðungnum sem er meira en nokkurt annað lið hefur gert.

• Blogga um frétt