Wolves vann magnaðan 3:2-útisigur á Southampton eftir að hafa lent tveimur mörkum undir í ensku úrvalsdeildinni í fótbolta í dag.
Southampton hefur gengið afar vel undanfarið og náði tveggja marka forystu í fyrri hálfleik. Gestirnir áttu þó heldur betur eftir að svara fyrir sig í síðari hálfleik með Raúl Jiménez fremstan í flokki en sóknarmaðurinn hefur verið frábær í vetur.
Svipmyndir úr leiknum má sjá í spilaranum hér fyrir ofan, en mbl.is færir ykkur efni úr enska boltanum í samvinnu við Símann sport.