Leicester komst aftur á sigurbraut í ensku úrvalsdeildinni er liðið fór illa með West Ham á heimavelli, 4:1. Harvey Barnes og Ricardo Pereira komu Leicester í 2:0 í fyrri hálfleik, en Mark Noble minnkaði muninn úr víti snemma í seinni hálfleik.
Á 81. mínútu var komið að Leicester að fá víti og úr því skoraði Ayoze Pérez. Spánverjinn var svo aftur á ferðinni á 88. mínútu er hann skoraði annað markið sitt og fjórða mark Leicester.
Leicester er í þriðja sæti með 48 stig og West Ham í 17. sæti með 23 stig, eins og Bournemouth og Watford sem eru í fallsæti.
Svipmyndir úr leiknum má sjá hér fyrir ofan en mbl.is færir ykkur efni úr enska boltanum í samvinnu við Símann sport.