Liverpool er á ný komið með 22 stiga forskot í ensku úrvalsdeildinni í knattspyrnu eftir sigur á West Ham, 3:2, í bráðfjörugum leik á Anfield í kvöld þar sem Lundúnaliðið komst óvænt yfir í síðari hálfleiknum.
Liverpool skoraði hins vegar tvö síðustu mörkin og tryggði sér stigin þrjú leiðinni. Liverpool skrapp með skrekkinn en annað markið kom á silfurfati eftir hræðileg mistök hjá Lukasz Fabianski í marki West Ham.
Svipmyndir úr leiknum má sjá í spilaranum hér fyrir ofan. Mbl.is færir ykkur efni úr enska boltanum í samvinnu við Símann sport.