Norwich vann í kvöld afar óvæntan 1:0-heimasigur á Leicester í ensku úrvalsdeildinni í fótbolta. Þrátt fyrir sigurinn er Norwich enn í botnsæti deildarinnar.
Leicester var sterkari aðilinn stærstan hluta leiks, en það voru heimamenn sem komust yfir á 70. mínútu með marki Jamal Lewis. Leicester-menn reyndu allt hvað þeir gátu til að jafna metin, en það tókst ekki og botnliðið fagnaði.
Norwich er nú með 21 stig, fjórum stigum frá öruggu sæti í deildinni. Leicester er í þriðja sæti með 50 stig.