Knattspyrnumaðurinn Marcos Llorente hjá Atlético Madríd á Spáni fagnaði vel og innilega þegar liðið sló Liverpool úr leik í Meistaradeild Evrópu í síðasta mánuði.
Í kjölfarið á sigrinum fékk Llorente sér hund og nefndi hann Anfield, en heimavöllur Liverpool ber sama nafn.
Atlético vann fyrri leikinn á heimavelli 1:0 og síðari leikinn á Anfield, 3:2, eftir framlengingu og fór því áfram 4:2-samanlagt. Skoraði Llorente tvö mörk í framlengingunni.
Llorente deildi mynd af hundinum sínum á instagramsíðu sinni í dag, þar sem kemur fram að hann heiti Anfield.