Enska knattspyrnufélagið Tottenham hefur áminnt leikmenn sína um að fara að reglum og halda tveggja metra fjarlægð eftir að myndskeið á samfélagsmiðlum sýndu nokkra þeirra fara á svig við reglurnar.
Þar mátti sjá knattspyrnustjórann José Mourinho með Tanguy Ndombele á æfingu á útivistarsvæðinu Hadley Common í útjaðri London og þá Davinson Sanchez og Ryan Sessegnon hlaupa hlið við hlið á sama stað. Serge Aurier birti sjálfur myndskeið af sjálfum sér hlaupa þétt við hlið annars manns.
„Allir okkar leikmenn hafa verið áminntir um að halda rétti fjarlægð á milli sín þegar þeir æfa utandyra. Við munum halda áfram að hamra á þessum skilaboðum,“ sagði talsmaður Tottenham við breska fjölmiðla í kvöld.
This does not look good 🤦♂️pic.twitter.com/fj20Zmj0VZ
— TEAMtalk (@TEAMtalk) April 8, 2020