Leikmaður, eða starfsmaður, Tottenham Hotspur er smitaður af kórónuveirunni og eru leikmenn liðsins á leið í sóttkví í viku í samræmi við vinnureglur ensku úrvalsdeildarinnar.
Félagið sendi frá sér yfirlýsingu í dag vegna þessa en leikmenn liðanna í deildinni hafa að undanförnu verið skimaðir fyrir veirunni.
Tottenham fékk upplýsingarnar frá ensku úrvalsdeildinni. Eftir því sem næst verður komist er þetta eina smitið í hópi þeirra 1.197 sem tengjast félögunum og hafa verið skimaðir að undanförnu.
Nafn hins smitaða verður ekki gefið upp.