Viðureign Manchester United og Bournemouth í ensku úrvalsdeildinni í knattspyrnu hefst klukkan 14 á Old Trafford í Manchester og er leikurinn sýndur beint hér á mbl.is.
Beina útsendingin er frá og með kl. 13:30 á vef mbl.is um enska fótboltann en leikurinn er jafnframt sýndur á Símanum Sport eins og flestallir leikir ensku úrvalsdeildarinnar.
Mikið er í húfi hjá báðum liðum því United er í harðri baráttu um Evrópusæti á meðan lið Bournemouth berst fyrir lífi sínu í gríðarlega harðri fallbaráttu deildarinnar.