Burnley og Sheffield United skiptu með sér stigunum er þau mættust í fyrsta leik dagsins í ensku úrvalsdeildinni í fótbolta. Urðu lokatölur á Turf Moor 1:1.
Jóhann Berg Guðmundsson var í leikmannahópi Burnley í fyrsta skipti síðan að deildin fór af stað á ný eftir kórónuveirufrí. Spilaði Jóhann í um það bil hálfa mínútu en hann kom inn á sem varamaður á fimmtu mínútu uppbótartímans.
Sheffield United er í áttunda sæti deildarinnar með 48 stig og Burnley í sætinu fyrir neðan með 46 stig.
Svipmyndir úr leiknum má sjá hér fyrir ofan en mbl.is færir ykkur efni úr enska boltanum í samvinnu við Símann sport.