Knattspyrnumaðurinn Harvey Neville hefur skrifað undir atvinnumannasamning við Manchester United en hann er sonur Phil Neville, sem spilaði með United og Everton í ensku úrvalsdeildinni um árabil.
Harvey er 18 ára gamall varnarmaður og hefur hann spilað með yngri liðum Manchester-liðsins undanfarin ár. Þá hefur hann einnig spilað fyrir U19 ára landslið Írlands. Faðir hans Phil spilaði með United á árunum 1994 til 2005 og föðurbróðir hans, Gary, spilaði með United allan sinn feril, yfir 600 leiki á árunum 1992 til 2011.