Knattspyrnumaðurinn ungi Christian Pulisic var til umræðu í þættinum Völlurinn á Síminn Sport þar sem þeir Bjarni Þór Viðarsson og Freyr Alexandersson voru gestir Tómasar Þórs Þórðarsonar. Pulisic skoraði í 3:2-sigri Chelsea gegn Crystal Palace í vikunni og hefur vakið verksuldaða athygli fyrir frammistöðu sína undanfarið.
„Næsta leiktíð er gríðarlega spennandi fyrir þennan leikmann,“ sagði Freyr um Bandaríkjamanninn sem hefur verið öflugur undanfarið. Pulisic er búinn að skora níu mörk og gefa átta stoðsendingar á tímabilinu en hann hefur átt stóran þátt í bættu gengi Chelsea undanfarið.
„Hann er þegar orðinn besti knattspyrnumaður Bandaríkjanna nú þegar, 21 árs gamall,“ bætti Tómas við. „Fyrir Chelsea getur hann orðið risastór,“ sagði Bjarni en umræðuna í heild sinni má sjá í spilaranum hér að ofan.