Niðurstaðan úr áfrýjun enska knattspyrnufélagsins Manchester City á Evrópukeppnisbanninu sem félagið var úrskurðað í af UEFA liggur fyrir á mánudaginn kemur.
City áfrýjaði úrskurði UEFA til CAS, Alþjóðaíþróttadómstólsins. Dómstóllinn sendi frá sér yfirlýsingu í dag þess efnis að niðurstaðan úr áfrýjuninni væri væntanleg á mánudag.
UEFA úrskurðaði Manchester City í tveggja ára bann frá þátttöku í Evrópukeppni fyrir brot á fjármálareglum sambandsins.
City tilkynnti strax að úrskurðinum yrði áfrýjað til CAS. Ef CAS dæmir ekki City í hag mun félagið ekki leika í Meistaradeild Evrópu eða Evrópudeildinni keppnistímabilin 2020-21 og 2021-22.