Sigurganga Manchester United var til umræðu í þættinum Völlurinn á Síminn Sport þar sem þeir Bjarni Þór Viðarsson og Freyr Alexandersson voru gestir Tómasar Þórs Þórðarsonar.
„Þetta er átakalaust og fallegt hjá United, sem lýsir því kannski hvað þeir eru komnir með ofboðslega mikið sjálfstraust,“ sagði Freyr um léttleikandi Manchester-liðið sem vann 3:0-sigur á Aston Villa í gærkvöldi og er nú búið að vinna fjóra leiki í röð.
„Þeir eru loksins komnir með smá kraft inn á miðjuna, það hefur vantað í mörg, mörg ár,“ bætti Bjarni við en hann var sérlega hrifinn af frammistöðu Paul Pogba í leiknum. Klippuna í heild sinni má sjá í spilaranum hér að ofan.