Eigum skilið að vera í Meistaradeildinni
Setja bókamerki
Niðurstaðan úr áfrýjun enska knattspyrnufélagsins Manchester City á Evrópukeppnisbanninu sem félagið var úrskurðað í af UEFA liggur fyrir á morgun en Pep Guardiola, stjóri liðsins, segir liðið eiga skilið að halda áfram keppni.
UEFA úrskurðaði City í tveggja ára bann frá þátttöku í Evrópukeppnum fyrir brot á fjármálareglum sambandsins. City áfrýjaði úrskurði UEFA til CAS, Alþjóðaíþróttadómstólsins. Fari svo að CAS dæmi City ekki í hag mun félagið ekki leika í Meistaradeild Evrópu eða Evrópudeildinni keppnistímabilin 2020-21 og 2021-22.
„Við eigum skilið að vera í Meistaradeildinni vegna þess að við unnum fyrir því á vellinum,“ sagði Guardiola en lærisveinar hans tryggðu annað sæti í ensku úrvalsdeildinni í gær með 5:0-sigri á Brighton. Það þýðir að City ætti að vera öruggt með sæti í Meistaradeildinni.
„Vonandi, á mánudaginn, mun UEFA leyfa okkur að vera þar sem þessir leikmenn eiga skilið að vera,“ bætti Guardiola við en hann var að ræða við fjölmiðla á blaðamannafundi eftir leikinn í gær.
Gul viðvörun tók gildi í morgun
Að minnsta kosti vika í nýtt gos
Sama stefna í gildi í útlendingamálum
Gerir ráð fyrir 150 samningum í næstu viku
Unnu að fullum heillindum að kaupum á TM
Gefur ekkert upp um leyfi til hvalveiða
Segjast ekki vera á kaldri slóð