Philippe Coutinho, sóknarmaður knattspyrnuliðs Barcelona á Spáni, færist nú nær félagsskiptum til Englands en spænski miðillinn Sport segir frá því að Brasilíumaðurinn sé í viðræðum við Arsenal.
Coutinho var á láni hjá Þýskalandsmeisturum Bayern München undanfarin tvö ár en er nú snúinn aftur til Spánar. Hann er þó ekki í framtíðarplönum Börsunga sem keyptu hann frá Liverpool 2018. Þá vill félagið fjármagna kaup á öðrum leikmönnum og er tilbúið að leyfa honum að fara fyrir 70 milljónir evra.