Nýr leikmaður Liverpool með veiruna

Spænski knattspyrnumaðurinn Thiago Alcantara er með kórónuveiruna. Hefur hann fundið fyrir minniháttar einkennum en er á batavegi að sögn Liverpool. Thiago gekk í raðir Englandsmeistara Liverpool frá Bayern München á dögunum. 

Hinn 29 ára gamli Thiago var ekki með Liverpool gegn Arsenal í gærkvöldi. Verður hann í einangrun næstu daga samkvæmt reglum ensku úrvalsdeildarinnar. 

„Við höfum fylgt öllum reglum og Thiago er í lagi. Hann verður í einangrun næstu daga og er í lagi. Vonandi verður hann aftur með okkur fljótlega,“ sagði Jim Moxon læknir Liverpool í samtali sem birt var á heimasíðu félagsins. 

• Blogga um frétt