Sérfræðingum Símans Sports þótti frammistaða Manchester United ekki merkileg þegar liðið vann 1:0-sigur á WBA í ensku úrvalsdeildinni í fótbolta á laugardaginn var. Bruno Fernandes skoraði sigurmarkið úr víti í seinni hálfleik.
Bjarni Þór Viðarsson og Eiður Smári Guðjohnsen, gestir Tómasar Þórs Þórðarsonar í Vellinum á Símanum sport voru sammála um að frammistaða United hafi ekki verið merkileg.
United er hins vegar í ágætum málum og með sigri í leik sem liðið á inni getur það farið upp í fjórða sæti.
Umræðuna um Manchester United má sjá hér fyrir ofan en mbl.is færir ykkur efni úr enska boltanum í samvinnu við Símann Sport.