West Bromwich Albion skildi Sheffield United eftir í botnsæti ensku úrvalsdeildarinnar í fótbolta með 1:0-heimasigri er liðin mættust í fallslag í kvöld.
Conor Gallagher skoraði sigurmarkið á 13. mínútu og tókst Sheffield United ekki að jafna þrátt fyrir fjölmörg tækifæri í seinni hálfleik.
Varamaðurinn Lys Mousset fékk það besta í blálokin en hann skaut yfir þegar hann var aleinn í markteignum.
West Brom fór upp úr fallsæti með sigrinum og er nú í 17. sæti með 6 stig. Sheffield United er á botninum með aðeins eitt stig.