Markvörðurinn Rúnar Alex Rúnarsson meiddist á hné á æfingu með enska knattspyrnuliðinu Arsenal á dögunum og er frá keppni vegna þessa.
Ekki er víst hve alvarleg meiðslin eru og hve lengi Rúnar verður frá keppni en samkvæmt frétt á heimasíðu félagsins verða meiðslin greind frekar.
Liðsfélagi hans Rob Holding hefur jafnað sig á höfuðmeiðslum og verður klár í slaginn gegn Leicester á morgun.