Knattspyrnumennirnir fyrrverandi Jamie Redknapp og Roy Keane rifust eins og hundur og köttur í beinni útsendingu hjá sjónvarpsstöðinni Sky Sports á dögunum.
Redknapp var að fara að lýsa leik Tottenham og Burnley sem fram fór á Tottenham Hotspur-vellinum í London á sunnudaginn síðasta en Keane var sérfræðingur í setti ásamt Graeme Souness.
Redknapp, sem lék meðal annars með Liverpool og Tottenham á ferlinum, vildi meina að Tottenham væri með það góðan hóp að liðið ætti ekki að sitja í níunda sæti deildarinnar.
Keane, sem var fyrirliði Manchester United í fjölda ára, var ósáttur við ummæli Redknapp og vildi meina að Tottenham væri í níunda sætinu því þeir væru einfaldlega ekki með betri hóp en þetta.
Þeir skiptust á skoðunum yfir málinu í nokkrar mínútur þar sem hvorugur neitaði að gefa eftir en atvikið var afar neyðarlegt.
Roy Keane v Jamie Redknapp 🍿
— Sky Sports News (@SkySportsNews) February 28, 2021
Things have got heated already on Super Sunday as the pair argue over Tottenham's form and hopes going forward.
📺 Watch live now on Sky Sports PLpic.twitter.com/NH8agUdJM2