Nýi maðurinn atkvæðamikill í sigri Liverpool

Liverpool vann 3:1 sigur á Manchester City í leik liðanna um Samfélagsskjöldinn í fótbolta á King Power-vellinum í Leicester í dag.

Bæði lið léku í sínum hefðbundnu treyjum og það var Liverpool sem byrjaði með boltann. 

Mohamed Salah var mjög sýnilegur í leiknum og á fjórðu mínútu lék hann sér að Joao Cancelo í vörninni og komst í gott skotfæri en setti boltann framhjá. 

Trent Alexander-Arnold kom Liverpool yfir á 21. mínútu með skoti fyrir utan teiginn sem fór af kollinum á Nathan Aké og í netið framhjá Ederson, 1:0. 

Eftir þetta gerðu City-menn sig líklega á köflum. Bæði Kevin De Bruyne og Erling Haaland fengu góð færi en náðu ekki að nýta þau. 

Argentínumaðurinn Julian Álvarez jafnaði svo metin fyrir Manchester City á 70. mínútu þegar hann fygldi á eftir skot Phil Foden, 1:1 og City-menn búnir að jafna. 

Markið var hinsvegar dæmt af þar sem dómaraninir vildu meina að Foden væri rangstæður. VAR-sjáinn tók svo við og dæmdi markið gott og gilt þar sem Englendingurinn var ekki rangstæður.

Á 82. mínútu fékk svo Rúben Dias dæmda á sig vítaspyrnu þegar Darwin Núnez skallaði boltann í höndina á honum. Að vana steig Mo Salah á punktinn og setti boltann neðarlega í hægrahornið þar sem Ederson náði ekki til hans og Liverpool-menn komnir yfir á nýjan leik. 

Það var svo nýi maðurinn Darwin Núnez sem innsiglaði sigur Liverpool á 94. mínútu er hann fékk skallasendingu fyrir frá Andy Robertson og skallaði hann framhjá Ederson, 3:1 og Núnez fangaði innilega þessu marki í sínum fyrsta mótsleik fyrir Liverpool. 

Erling Haaland klúðraði svo ótrúlegu færi á sjöundu mínútu uppbótartímans. þá fylgdi hann á eftir skot Foden og var með opið mark fyrir framan sig. Hann hinsvegar negldi boltanum í slánna og yfir. 

Fleiri urðu mörkin ekki og það er því Liverpool sem vinnur samfélagsskjöldinn þetta árið.