Suður-Afríkumaðurinn Benni McCarthy hefur verið ráðinn til starfa hjá enska knattspyrnufélaginu Manchester United. Hann verður hluti af þjálfarateymi liðinu.
McCarthy, sem á sínum tíma var sóknarmaður, mun vinna náið með sóknarmönnum liðsins. Í tilkynningu frá félaginu kemur fram að þjálfarateymi liðsins sé fullskipað með komu McCarthy.
Framherjinn fyrrverandi á góðar minningar frá Old Trafford-vellinum í Manchester því hann skoraði tvennu fyrir Porto á vellinum í Meistaradeildinni árið 2004. Porto fór áfram í einvíginu og varð að lokum Evrópumeistari.