Rúnar Alex Rúnarsson, landsliðsmarkvörður í fótbolta, gæti farið frá Arsenal á Englandi og til félags í Tyrklandi. Rúnar er ekki inni í myndinni hjá Mikel Arteta, knattspyrnustjóra Arsenal.
The Evening Standard greinir frá áhuga tyrkneskra félaga á Rúnari. Hann var lánaður til OH Leuven í Belgíu á síðasta tímabili.
Rúnar kom til Arsenal frá Dijon í Frakklandi árið 2020 og hefur alls leikið sex leiki með liðinu. Fjóra í Evrópudeildinni, einn í deildabikarnum og einn í ensku úrvalsdeildinni.
Hann hefur leikið 17 A-landsleiki fyrir Íslands hönd.