Match of the Day verður sýndur á BBC í dag, án sérfræðinga. Þáttastjórnandinn, Gary Lineker hefur verið sendur í tímabundið leyfi og allir sérfræðingar þáttarins hafa sýnt honum stuðning og neitað að mæta.
Lineker gagnrýndi stefnu breskra yfirvalda í málefnum flóttafólks og sendi BBC hann í tímabundið leyfi fyrir brot á reglum stöðvarinnar.
Öll 12 lið ensku úrvalsdeildarinnar sem spila í dag hafa fengið þær upplýsingar frá BBC að hvorki þjálfarar né leikmenn muni fá beiðnir um viðtöl frá Match of the Day.