Chelsea vann Leeds, 3:2, í ensku bikarkeppninni í knattspyrnu karla á Stamford Bridge í London í kvöld.
Mateo Joseph Fernández kom Leeds yfir á áttundu mínútu leiksins en Nicolas Jackson jafnaði metin stuttu seinna, 1:1.
Mykhailo Mudryk kom Chelsea yfir á 37. mínútu leiksins en á 59. mínútu var Mateo Joseph Fernández aftur á ferðinni fyrir Leeds og jafnaði metin, 2:2.
Conor Gallagher tryggði síðan Chelsea sigurinn undir lok leiks með marki á 90. mínútu, 3:2.
Chelsea mætir Leicester í 8-liða úrslitum bikarsins 16.-17. mars.