Knattspyrnumaðurinn ungi Jayden Danns stal senunni er Liverpool vann 3:0-heimasigur á Southampton í enska bikarnum á miðvikudaginn var.
Danns kom inn á sem varamaður á 63. mínútu og stundarfjórðungi síðar var hann búinn að skora tvö mörk. Ekki eru nema tæp tvö ár síðan hann var boltasækir á leikjum Liverpool-liðsins.
Hér fyrir neðan má sjá mynd af Danns fagna marki Liverpool á hliðarlínunni, þar sem hann er í hlutverki boltasækis.