Knattspyrnufélögin Wolves og Crystal Palace, sem eru í ensku úrvalsdeildinni, hafa skrifað undir samning við veðmálasíður.
Úlfarnir tilkynntu þetta á þriðjudaginn og Palace í gær. Enska knattspyrnusambandið hefur bannað að auglýsa veðmálasíður á treyjum en sú regla tekur ekki gildi fyrr en tímabilið 2026/27.
Palace mun því á næsta tímabili vera með veðmálasíðu framan á treyjunni eins og mörg önnur ensk félög.
Á síðasta tímabili voru nokkur félög með veðmálasíðu framan á treyjunni en í apríl árið 2023 kusu félögin um það að banna það, sem var samþykkt.