Klár ef kallið kemur frá United

Norðmaðurinn Ole Gunnar Solskjær, fyrrverandi leikmaður og knattspyrnustjóri Manchester United, er til í að taka við stjórnartaumunum hjá Manchester-liðinu á nýjan leik.

Solskjær hélt fyrirlestur í Ósló í dag og var spurður hvort hann væri til í að taka aftur við United.

„Ég vil yfirleitt ekki tala um störf sem eru ekki laus, en auðvitað væri ég klár í það,“ svaraði Solskjær.

Hann stýrði United frá 2018 til 2021 og var leikmaður liðsins frá 1996 til 2007. Hann varð sex sinnum Englandsmeistari sem leikmaður United og vann Meistaradeildina einu sinni. Honum mistókst hins vegar að vinna titil sem stjóri liðsins. 

• 1 blogg um fréttina

Bloggað um fréttina

• Helga Kristjánsdóttir: Óli Gunnar JÁ!