Endurkoma United í seinni hálfleik
Setja bókamerki
Manchester United hafði betur gegn Brentford, 2:1, í ensku úrvalsdeildinni í fótbolta í dag. United er nú í tíunda sæti með ellefu stig og Brentford í tólfta með tíu.
Jafnræði var með liðunum framan af, en eftir því sem leið á fyrri hálfleik náði United betri tökum á leiknum. Alejando Garnacho og Christian Eriksen fengu báðir góð færi en Mark Flekken í marki Brentford varði vel frá Garnacho og Eriksen setti boltann yfir úr dauðafæri.
Rasmus Höjlund og Bruno Fernandes fengu einnig færi, en illa gekk að virkilega reyna á hollenska markvörðinn hjá Brentford.
Það voru svo gestirnir sem skoruðu fyrsta markið er Ethan Pinnock skallaði í netið af stuttu færi eftir hornspyrnu frá Mikkel Damsgaard í uppbótartíma fyrri hálfleiks.
United-menn voru ósáttir við markið þar sem Matthijs de Ligt fékk ekki að verjast horninu. Hollendingurinn fékk skurð snemma leiks, sem sjúkrateymi United gekk illa að gera almennilega að. Þar sem blæddi úr de Ligt var hann sendur af velli og Brentford nýtti sér það vel.
Var staðan í leikhléi því 1:0, Brentford í vil.
Það tók United tvær mínútur að jafna í seinni hálfleik því Alejandro Garnacho skoraði fallegt mark með skoti á lofti í fyrsta á 47. mínútu eftir sendingu frá Marcus Rashford.
United hélt áfram að sækja og það skilaði sér í öðru markinu á 63. mínútu. Rasmus Höjlund vippaði skemmtilega yfir Mark Flekken í marki Brentford og í netið, eftir glæsilega hælsendingu frá Bruno Fernandes.
Heimamenn slökuðu á eftir markið á meðan gestunum gekk illa að skapa sér færi. Urðu mörkin því ekki fleiri.
| Man. United | 2:1 | Brentford |
|
|---|---|---|---|
| Það verða að minnsta kosti fimm mínútur í uppbótartíma. | |||
Pútín reynir allt til að forðast aðra herkvaðningu
Þarf að koma til móts við ólíkar þarfir lækna
Rússar sagðir útvega N-Kóreu milljón olíutunnur
Viðræður ekkert þokast frá því á þriðjudag
„Höfum sloppið bærilega með skaða af þessu gosi“
Hópur fólks reyndi að komast að eldgosinu
Reiðubúin að aflýsa verkföllum í fjórum leikskólum