Arsenal vann eftir sjö marka fyrri hálfleik
Setja bókamerki
Arsenal hafði betur gegn West Ham, 5:2, í ótrúlegum leik í ensku úrvalsdeildinni í fótbolta í kvöld. Með sigrinum fór Arsenal upp í 25 stig og í annað sæti. West Ham er í 14. sæti með 15 stig.
Gestirnir í Arsenal byrjuðu af miklum krafti og Gabriel skoraði fyrsta markið á 10. mínútu með skalla eftir horn.
Arsenal hélt áfram að sækja og Leandro Trossard bætti við öðru markinu á 27. mínútu með skoti af stuttu færi eftir sendingu frá Saka. Martin Ödegaard bætti svo við þriðja markinu úr víti á 34. mínútu eftir að Saka var tekinn niður innan teigs.
Þjóðverjinn Kai Havertz skoraði fjórða markið aðeins tveimur mínútum síðar er hann slapp einn gegn eftir sendingu frá Trossard.
Aaron Wan-Bissaka lagaði stöðuna fyrir West Ham á 38. mínútu eftir glæsilega sendingu frá Carlos Soler. Tveimur mínútum eftir það skoraði Emerson annað mark Arsenal með glæsilegu skoti úr aukaspyrnu.
Arsenal skoraði sjöunda mark hálfleiksins í uppbótartíma úr víti er Lukasz Fabianski í marki West Ham braut á Gabriel. Bukayo Saka fór á punktinn, skoraði naumlega og kom Arsenal í 5:2. Þannig voru hálfleikstölur.
Seinni hálfleikur var vægast sagt rólegri, færin voru fá og Arsenal sigldi öruggum þriggja marka sigri í höfn.
| West Ham | 2:5 | Arsenal |
|
|---|---|---|---|
| Það verða að minnsta kosti fimm mínútur í uppbótartíma. | |||
Beint: Landsmenn ganga til kosninga
Yfir 40.000 kosið utan kjörfundar
Tveir turnar á lokaspretti
Sólardagarnir fóru í að búa til snjó
Kjörsókn hefur verið í kringum 80% frá 2013
Einn festist í rútu sem fór út af
Ísland yrði ekki undanskilið í stríði
„Kveðjustundirnar eru farnar að verða erfiðari“
