Franski knattspyrnumaðurinn Karim Benzema, leikmaður Real Madrid, er sagður hafa eytt nóttinni í fangaklefa en eins og fram hefur komið var hann handtekinn í gær.

Leikmaðurinn var handtekinn og yfirheyrður af lögreglunni í gær en hann er viðriðinn fjárkúgunarmáli vegna kynlífsmyndbands af Mathieu Valbuena. Benzema og fleiri aðilar eru grunaðir um að hafa beitt Valbuena fjárkúgun með því að hóta honum að birta myndbandið.

AFP fréttaveitan greinir frá því í dag að Benzema hafi játað aðild sína að málinu og reiknað er með því að hann verði leiddur fyrir dómara í dag þar sem hann verður ákærður.

Benzema hefur ekki spilað með Real Madrid í síðustu leikjum vegna meiðsla. Hann er 27 ára gamall og hefur verið í herbúðum Real Madrid frá árinu 2009 og þá á hann að baki 81 leik með franska landsliðinu.

Karim Benzema, hettuklæddur, er hér í fylgt lögreglu. AFP

Tengdar fréttir

Karim Benzema í vanda

Benzema verður leiddur fyrir rétt

• Segir Benzema saklausan
• Benzema fer ekki á EM í sumar
• Benzema má snúa aftur í landsliðið
• Benzema í banni hjá franska landsliðinu

» Fleiri tengdar fréttir

• Blogga um frétt