Ousmane Dembele, sem knattspyrnustórveldið Barcelona festi kaup á í sumar til þess að fylla skarð Neymars, hefur meiðst á ný eftir að hafa verið nýbúinn að ná sér af öðrum meiðslum.
Dembele fór meiddur af velli í fyrsta leik sínum í byrjunarliði í spænsku 1. deildinni í september. Hinn tvítugi Dembele kostaði um 150 milljónir evra og var aðeins að koma við sögu í þriðja leik sínum með Barcelona á tímabilinu. Hann sneri aftur í byrjun janúar, en hefur nú meiðst á ný.
Dembeele meiddist í 4:2-sigri Barcelona á Real Sociedad um helgina í sínum fjórða leik eftir endurkomuna. Hann meiddist á læri og verður frá næsta mánuðinn eða svo.