Barcelona varð í gærkvöld spænskur bikarmeistari í knattspyrnu í 30. skipti með því að bursta Sevilla, 5:0, í úrslitaleik sem fram fór í Madrid.
Staðan var 3:0 í hálfleik eftir tvö mörk frá Luis Suárez og eitt frá Lionel Messi og Andrés Iniesta bætti við fjórða markinu í byrjun síðari hálfleiks. Philippe Coutinho átti síðan lokaorðið á 69. mínútu úr vítaspyrnu.
Barcelona hefur þar með orðið bikarmeistari fjögur ár í röð og er lang sigursælasta lið keppninnar en Athletic Bilbao kemur næst með 23 bikarsigra og Real Madrid með 19.