Real Madrid varð í kvöld fyrsta félagið í 42 ár til að verða Evrópumeistari þrjú ár í röð og þetta er samtals í fjórða sinn sem slíkt afrek er unnið.
Real Madrid var fyrsta félagið til þess en frá því fyrst var leikið um Evrópumeistaratitilinn árið 1956 vann spænska félagið keppnina í fimm ár í röð, eða samfleytt til ársins 1960.
Ajax frá Hollandi varð Evrópumeistari þrisvar í röð, frá 1971 til 1973.
Bayern München frá Vestur-Þýskalandi tók þá við og vann næstu þrjú ár, 1974 til 1976.
Real Madrid hefur nú endurtekið leikinn fyrst félaga.
Englendingar halda þó enn metinu yfir flesta sigra eins lands í keppninni. Ensk félög urðu Evrópumeistarar sex ár í röð, frá 1977 til 1982. Liverpool vann þá þrívegis, Nottingham Forest tvisvar og Aston Villa einu sinni.
Spánverjar hafa nú unnið fimm ár í röð, Real Madrid fjórum sinnum og Barcelona einu sinni, og svo vann Real Madrid sjálft fimm fyrstu árin eins og áður kom fram.