Liðsfélagi Gylfa skoraði og fékk rautt

Tyrkinn Cenk Tosun, liðsfélagi Gylfa Þórs Sigurðssonar hjá enska úrvalsdeildarliðinu Everton, skoraði mark og fékk rautt spjald í 2:2 jafntefli Túnis og Tyrklands sem áttust við í vináttleik í kvöld.

Tosun kom Tyrkjum í 1:0 með marki úr vítaspyrnu á 54. mínútu en sjö mínútum síðar var honum vikið af velli. Í millitíðinni jafnaði Anice Badri metin fyrir Túnis, sem er á leið á HM. Ferjani Sassi kom Túnisum yfir á 79. mínútu en á lokamínútunni jafnaði Caglar Soyuncu metin fyrir Tyrki.

• Blogga um frétt