Julian Nagelsmann þjálfari þýska knattspyrnuliðsins Hoffenheim hefur hafnað tilboði frá Evrópumeisturum Real Madrid um að taka við þjálfun liðsins að því er fram kemur í þýska blaðinu Bild í dag.
Real Madrid leitar nú að eftirmanni Zinedine Zidane en hann sagði óvænt upp störfum hjá Madridarliðinu í síðustu viku.
Nagelsmann, sem er 30 ára gamall og er talinn einn efnilegasti þjálfarinn í Evrópu, vill halda áfram starfi sínu hjá Hoffenheim en hann var ráðinn þjálfari liðsins í október 2015. Undir hans stjórn hafnaði Hoffenheim í þriðja sæti í þýsku 1. deildinni á nýafstaðinni leiktíð.