Landsliðsmaðurinn Ragnar Sigurðsson hefur gert nýjan tveggja ára samning við rússneska knattspyrnuliðið Rostov en frá þessu er greint á heimasíðu félagsins.
Ragnar gekk í raðir Rostov í janúar á þessu frá rússneska liðinu Rubin Kazan þar sem hann var í láni frá enska liðinu Fulham. Ragnar lék níu leiki með Rostov á síðustu leiktíð en liðið hafnaði í 11. sæti deildarinnar.
Með Ragnari leika tveir aðrir landsliðsmenn, Sverrir Ingi Ingason og Björn Bergmann Sigurðarson.
Ragnar, sem er 32 ára gamall, hefur verið fastamaður í íslenska landsliðinu undanfarin ár og lék sinn 80. landsleik í 2:1 tapi gegn Króötum í síðasta leik Íslendinga á HM í Rússlandi á dögunum. Daginn eftir leikinn greindi Ragnar frá því á Instagram-síðu sinni að hann væri hættur að leika með landsliðinu en mikill þrýstingur hefur verið á hann að endurskoða ákvörðun sína.