Courtois vill fá Hazard með sér til Real

Belgíski markmaðurinn Thibaut Courtois er orðinn leikmaður Real Madrid, eftir félagsskipti frá Chelsea. Courtois hefur mikinn áhuga á að fá félaga sinn úr belgíska landsliðinu, Eden Hazard, með til spænska félagsins. 

Hazard hefur verið orðaður við brottför frá Chelsea að undanförnu og ku Real hafa áhuga á að fá leikmanninn til liðs við sig. „Hann er æðislegur leikmaður,“ sagði Courtois um Hazard á fréttamannafundi í dag. 

„Það væri yndislegt að spila með Hazard aftur og við verðum að sjá hvað gerist í framtíðinni, vonandi kemur hann hingað einhvern daginn,“ sagði markmaðurinn stóri og stæðilegi. 

• Blogga um frétt