Knattspyrnumaðurinn Albert Guðmundsson lék sinn fyrsta leik fyrir AZ Alkmaar í 4:1-sigri á Emmen í hollensku úrvalsdeildinni.
Albert kom inn á 65. mínútu í stöðunni 3:1 og skömmu síðar voru gestirnir búnir að bæta við fjórða markinu. AZ keypti Albert af PSV í sumar á tvær milljónir evra.
AZ Alkmaar fer gríðarlega vel af stað á tímabilinu en liðið vann 5:0-sigur á NAC Breda í fyrstu umferðinni og er nú á toppnum eftir tvo leiki með markatöluna 9:1.