Spænskir fjölmiðlar telja nokkuð víst að Real Madrid reki Julen Lopetegui úr starfi en gengi Evrópumeistaranna undir hans stjórn hefur verið ansi dapurt.
Real Madrid tapaði þriðja leiknum í röð þegar það beið 2:1 ósigur á heimavelli gegn Levante í gær. Þetta fimmti leikur Madridarliðsins án sigurs og er það í fimmta sæti deildarinnar.
Lopetegui tók við þjálfun Real Madrid í sumar af Zinedine Zidane og hefur liðið aðeins unnið fimm af 12 leikjum sínum undir stjórn Lopetegui.
Spænska blaðið Marca segir að Santiago Solari, þjálfari B-deildarliðs Real Madrid, muni taka við þjálfarastarfinu og þá hefur nafn Antonio Conte verið nefnd en hann var rekinn úr starfi knattspyrnustjóra hjá Chelsea í sumar.