Með mark og stoðsendingu gegn Evrópumeisturunum
Setja bókamerki
Stjarna Skagamannsins unga Arnórs Sigurðssonar skein skært á Santiago Bernabeu-vellinum í Madrid í kvöld þegar rússneska liðið CSKA Moskva skellti Evrópumeisturum Real Madrid 3:0 í lokaumferð riðlakeppni Meistaradeildar Evrópu í knattspyrnu.
Arnór skoraði þriðja mark sinna manna með hnitmiðuðu skoti frá vítateigslínunni en hann lagði upp fyrsta markið með glæsilegri sendingu. Arnór fékk heiðursskiptingu á 3. mínútu í uppbótartíma en Hörður Björgvin Magnússon lék allan tímann og stóð vaktina með glæsibrag í hjarta varnarinnar. CSKA vann þar með báðar viðureignir liðanna en fyrri leiknum í Moskvu lyktaði með 1:0 sigri rússneska liðsins.
Annar markahæsti Íslendingurinn
Þetta var annað mark Arnórs í Meistaradeildinni en þessi 19 ára gamli Skagastrákur skoraði í tapleik á móti Roma. Hann er þar með orðinn annar markahæsti Íslendingurinn í Meistaradeildinni. Eiður Smári Guðjohnsen skoraði 7 mörk en þriðji Íslendingurinn sem hefur skorað í Meistaradeildinni er Alfreð Finnbogason sem skoraði fyrir Olympiacos gegn Arsenal á Emirates-vellinum í London.
En því miður dugði þessi magnaði sigur CSKA Moskva ekki til að tryggja liðinu þriðja sætið og þar með farseðil í 32-liða úrslit Evrópudeildarinnar þar sem Viktoria Plzen vann 2:1 sigur gegn Roma. Liðin enduðu bæði með 7 stig en tékkneska liðið hafði betur í innbyrðisviðureignum.
Starfsfólk gæti fengið reikning frá Skattinum
„Hvað ef það hefði verið lokuð heiði?“
Benda á Samgöngustofu sem bendir út í heim
„Tíminn er runninn út fyrir Kristján Loftsson“
Segja yfir 50 þúsund hermenn fallna
Sat á þaki byggingarinnar þegar eldurinn kviknaði
Aukin tíðni þungunarrofa hjá yngsta aldurshópnum
/frimg/1/48/52/1485260.jpg)
Ölfusárbrú opnuð aftur eftir bílslys