Stuðningsmenn hollenska liðsins Ajax héldu vöku fyrir liðsmönnum Real Madrid í Amsterdam í nótt en Ajax tekur á móti Evrópumeisturunum í fyrri viðureign liðanna í 16-liða úrslitum Meistaradeildar Evrópu í knattspyrnu í kvöld.
Hluti stuðningsmanna Ajax gerði sitt til að hjálpa liði sínu því þeir mættu fyrir utan hótel Real Madrid-liðsins og skutu flugeldum á loft. Flugeldasýningin hófst klukkan hálftvö eftir miðnætti og stóð yfir í tvo klukkutíma.
Lögregla var kölluð á staðinn og að því er fram kemur í spænska blaðinu AS vöknuðu liðsmenn Real Madrid af værum blundi við hávaðann fyrir utan hótelið en blaðið hafði samband við leikmenn þegar þeir snæddu morgunmatinn í morgun.
Ajax fans setting off fireworks at Real Madrid's team hotel in Amsterdam.. at 3am this morning! 😳😂🎇🎆🧨🧨#AJARMA pic.twitter.com/Il8MCMpE6w
— Gilles 🇳🇬🏴 (@GrimandiTweets_) February 13, 2019