Framherjinn Aron Jóhannsson spilaði í fyrsta skipti með sænska liðinu Hammarby er liðið vann 5:2-stórsigur á Elfsborg í efstu deild Svíþjóðar í fótbolta í kvöld.
Aron gekk í raðir Hammarby á dögunum eftir að samningur hans við Werder Bremen rann sitt skeið eftir síðustu leiktíð. Aroni er ætlað að fylla það skarð sem Viðar Örn Kjartansson skildi eftir sig.
Aron byrjaði á bekknum en kom inn á sem varamaður á 73. mínútu í stöðunni 5:2. Hammarby er í sjötta sæti deildarinnar með 28 stig eftir 16 leiki.