Hollenska lögreglan hefur staðfest að 303 stuðningsmenn franska knattspyrnufélagsins Lille voru handteknir í Amsterdam í kvöld fyrir leik liðsins við Ajax í Meistaradeildinni.
Að sögn lögreglunnar voru stuðningsmennirnir með ólæti í miðborg Amsterdam. Kveikt var í flugeldum og slegist. Fyrr í dag voru einhverjir stuðningsmenn handteknir fyrir ólæti á Strandvilet-lestarstöðinni.
Þá stukku einhverjir stuðningsmenn ofan á lestir með þeim afleiðingum að loka þurfti lestarkerfinu í einhvern tíma.