Hinn 17 ára gamli Andri Lucas Guðjohnsen var á skotskónum fyrir U18 ára lið Real Madríd er liðið vann úrvalslið Indónesíu á Balí í gær. Real hafði betur, 5:4.
Andri jafnaði m.a. metin í 4:4 á 85. mínútu en Real skoraði sigurmarkið í uppbótartíma. Um æfingamót er að ræða og á Real Madríd leik við jafnaldra sína í Arsenal í dag.
Andri skipti úr Espanyol yfir til Real Madríd fyrr á árinu og hefur vakið athygli fyrir góða frammistöðu. Daníel Tristan, yngri bróðir Andra, leikur einnig með Real Madríd, en hann skipti úr Barcelona yfir til Madrídarfélagsins.
Andri Lucas Gudjohnsen (2002) scored 2 goals when @realmadrid U18 won their match at the U20 International tournament in Bali. Tomorrow they’ll play vs. Arsenal 🇮🇸⚽️👌 pic.twitter.com/fU5SMm6hWW
— Magnus Agnar Magnusson (@totalfl) December 4, 2019