Berglind Björg Þorvaldsdóttir, landsliðskona í knattspyrnu, skildi ekki skotskóna eftir á Íslandi þegar hún fór til Mílanó en hún var á dögunum lánuð frá Breiðabliki til AC Milan fram á vorið.
Berglind sló í gegn í sínum fyrsta leik með ítalska stórliðinu í dag. Milan tók á móti AS Roma á Vismara-vellinum og mættust þar liðin í 3. og 4. sæti deildarinnar.
AC Milan lenti 0:2 undir í leiknum en vann sætan 3:2 sigur eftir frábæran lokasprett. Berglind minnkaði muninn á 70. mínútu og Refiloe Jane jafnaði á 78. mínútu. Heimaliðið nýtti tímann vel sem var til stefnu og Berglind skoraði sigurmarkið á 89. mínútu og sitt annað mark í frumrauninni með Mílanóliðinu.
Roma er með 24 stig en Milan 23 stig. Juventus er efst eins og í karladeildinni með 34 stig og Fiorentina er með 28 stig.
#MilanRoma: 3⃣-2⃣ 🔚
— AC Milan (@acmilan) January 20, 2020
Thorvaldsdottir-Jane-Thorvaldsdottir: mai dar per vinte le rossonere 👏🏻#FollowTheRossonere #SempreMilan pic.twitter.com/v7nk12CkGI
Welcome to #ACMilan, Berglind Björg Thorvaldsdottir. Our new Icelandic forward is available for today's match 🔴⚫
— AC Milan (@acmilan) January 20, 2020
Benvenuta in rossonero, Berglind Björg Thorvaldsdottir. L'attaccante islandese sarà a disposizione per #MilanRoma di oggi 🔴⚫#FollowTheRossonere #SempreMilan pic.twitter.com/OUkwZMaLRW